Tölvunám fyrir 50+ 

Almennt um námskeiðið

Námskeiðið, er ætlað þeim sem hafa ekki ennþá lært á tölvu og eru komnir yfir 50 árin. Námið er miðað við þarfir atvinnulífsins fyrir almenna tölvuþekkingu og hentar jafnt þeim sem þegar hafa stigið sín fyrstu skref í tölvunotkun og hinum sem ekki hafa komið nálægt tölvu áður.

Lögð er áhersla á notalegt umhverfi og skemmtilega kennara á námskeiðinu. Kennt er tvo daga í viku, 3 klst. (4,5 kennslustundir) í senn, eða fjóra daga í viku, 3 klst. í senn. 

Í þátttökugjaldinu er innifalinn fjöldi kennslubóka á íslensku, símaþjónusta, veitingar, skírteini og símaaðstoð í 30 daga að loknu námi. 

Dagskrá

  • Grundvallaratriði tölvutækninnar og stýrikefið Windows. Notkun gluggakerfa, skráarkerfi tölvunnar, diskameðhöndlun, afritataka og gagnleg atriði varðandi meðferð tölvu, prentara og tengdra tækja.
  • Ritvinnsla með Word. Meginatriði ritvinnslu með Word, val leturs og leturstillingar. Síðustillingar og útlit einstakra greina. Leit og útskipting texta og gerð bréfa. Uppsetning á töflum með dálkastillum og notkun lína og ramma. Kennd staðsetning og notkun mynda í ritvinnsluskjali.
  • Töflureiknirinn Excel. Áætlanagerð, úrvinnsla talna, gerð línurita og grunnatriði töflureiknisnotkunar. Kennt er á mikilvægustu grunnföll Excel.
  • Internetið og tölvupóstur. Fjallað er um hvað Internetið er, hvaða gagn má hafa af því og heimsóttir áhugaverðir staðir á Internetinu. Ítarleg kennsla um notkun tölvupósts og hvað ber að varast á Internetinu.

Að námskeiði loknu

Við mælum með eftirfarandi námskeiði að loknu þessu námskeiði. Hafið samband við okkur til að fá tilboð í bæði námskeiðin, Tölvunám fyrir 50+ og Stafræna ljósmyndun.

  • Stafræn ljósmyndun og myndvinnsla. Flestir eiga, eða ætla sér að eignast, starfræna ljósmyndavél. Þess vegna er gott að vera búin(n) að læra grunnatriðin áður en að því kemur. Kennt er að taka ljósmyndir á stafrænar myndavélar, færa þær inn í tölvuna, sýna þær sem "slides" sýningu á tölvunni og vinna þær fyrir útprentun með þar til gerðum forritum. Skemmtilegur og spennandi hluti námskeiðsins (9 klukkustundir eða 12 kennslustundir). 

Markmið

Kennd er úrlausn margs konar verkefna á námskeiðinu og áhersla lögð á að þau séu gangleg og nýtist þátttakandanum að loknu námi. Gefinn er fjöldi gagnlegra ábendinga um tölvur og tölvunotkun, og hvernig nota má Internetið við margs konar upplýsingaöflun og samskipti. 

Kennari/kennarar

Námskeiðið kenna fastráðnir kennarar okkar. 

Kennslubók/kennslubækur

Með námskeiðinu fylgja íslenskar handbækur um Windows, Word, Excel, Internetið og Outlook. 

CART PDF

Heiti

Hefst: Endar: Tími: Stnd: Klst: Verð: Ábending:

Tölvunám fyrir 50+

20.03.17 29.03.17 09:00 - 12:00 36,0 24,0 59.000 kr. Kennt mán til fös (8x)

Tölvunám fyrir 50+

24.04.17 04.05.17 09:00 - 12:00 36,0 24,0 59.000 kr. Kennt mán til fös (8x)
( )

Áskilinn er réttur til að breyta tímasetningum og fresta námskeiði ef rík ástæða er til. Lýsingar eru með fyrirvara um hugsanlegar villur sem kunna að leynast í textanum. Hægt er að bóka sig á námskeið þar sem eru biðlistar.