OneNote stafræn minnisbók

OneNote er forrit sem gerir þér kleift að skrá minnispunkta um hvaðeina sem þér dettur í hug með því að vélrita texta, handskrifa texta eða rissa upp myndir. Hægt er að setja inn tengla á vefsíður og birta efni af vefsíðum, setja inn ljósmyndir, myndbönd og töflur og tengja skrár við minnisblöðin.

Minnisblöðum er hægt að safna í minnisbækur til að einfalda flokkun þeirra.

OneNote er fáanlegt endurgjaldslaust fyrir Windows og Macintosh tölvur og Windows Phone, Android og iPhone síma. Þú hefur þess vegna aðgang að minnispunktunum þínum hvar sem er og hvenær sem er.

OneNote Premium er fáanlegt gegn greiðslu og opnast þá nýir möguleikar eins og bein hljóð- og vídeoupptaka, tenging við Office skjöl og hægt er að steypa Excel skjölum, verkefnum, minnistpunktum og tengiliðum frá Outlook inn í OneNote

Námskeiðið felst í því að kenna allar algengustu aðgerðirnar í OneNote til þess að þátttakandinn hafi sem mest gagn af forritinu, hvort sem það er á spjaldtölvu, síma eða í tölvu.

Dagskrá

  • Kynning á helstu þáttum forritsins, uppbyggingu þess og helstu einingum.
  • Söfnun upplýsinga með OneNote, gerð síðna og undirsíðna, skráning minnisatriða, tenging við vef, forrit, myndir og aðrar einingar. Mótun minnisatriða.
  • Flokkum og síðum bætt við og þeim raðað, afritun innihalds í minnisbækur, tenging skjala, skjámynda og mynda við minnisblöð. Kennt að nota penna og strokleður við skráningu minnisatriða og gerð jafna/formúla.
  • Kennt að vinna með hljóð og vídeó.
  • Kennt að móta útlit, stilla eiginleika OneNote, prenta, vista og samnýta minnisbækur á netinu.

Markmið

Að loknu námskeiðinu á þátttakandinn að þekkja OneNote mjög vel og geta notað það sem alhliða tæki til að taka alls konar minnispunkta, hvor sem þeir eru vélritaðir, skrifaðir, teiknaðir, teknir upp sem hljóð eða vídeó, afritaðir af netinu, skjámynd eða tengdir við skjöl.

Leiðbeinandi

Halldór Kristjánsson, verkfræðingur og Sigurður Jónsson, kerfisfræðingur

Kennslugögn

Glærur og ljósrit

Áskilinn er réttur til að breyta tímasetningum og fresta námskeiði ef rík ástæða er til. Lýsingar eru með fyrirvara um hugsanlegar villur sem kunna að leynast í textanum. Hægt er að bóka sig á námskeið þar sem eru biðlistar.