Námskeið
Skráning
Grunnnám í forritun
Almennt um námskeiðið
Á þessu grunnnámskeiði í forritun fá nemendur að taka fyrstu skrefin í heimi forritunar, fjallað verður lítillega um sögu forritunar og helstu forritunarmál kynnt. Fá svo nemendur að smíða nokkur einföld forrit þar sem helstu grunnatriði forritunar eru prófuð.
Unnið verður í þróunarumhverfinu CodeBlocks með C++ forritunarmáli. Námskeiðið er ætlað þeim tölvunotendum sem hafa áhuga á að kynna sér fyrstu skrefin í forritun.
Forkröfur
Góð almenn tölvuþekking, þátttakendur þurfa ekki að þekkja til forritunar eða hafa forritað áður.
Dagskrá
- Grunnatriði forritunar kynnt, saga og forritunarmál. Uppsetning á kóðaforriti, einfaldur kóði keyrður.
- Einfaldur kóði forritaður, unnið með breytur og fasta, inn og útstrauma.
- Unnið með if og case setningar.
- Unnið með for-, do- og whilelykkjur.
- Föll kynnt til sögunnar.
Markmið
Að loknu námskeiðinu eiga þátttakendur að skilja helstu grunnþætti forritunar og geta með það að leiðarljósi sett sér frekari markmið í tölvunarfræðum.
Leiðbeinandi
Sigurður Jónsson, forritari og tölvunarfræðinemi í HR.
Námsgögn
Ljósrit og kennslubók á ensku.
Áskilinn er réttur til að breyta tímasetningum og fresta námskeiði ef rík ástæða er til. Lýsingar eru með fyrirvara um hugsanlegar villur sem kunna að leynast í textanum. Hægt er að bóka sig á námskeið þar sem eru biðlistar.